Буюк Британияда яшовчи йигит тўйидан кейин икки соат ўтгач, оламдан ўтди, деб хабар берди lenta.ru нашри.
Дэнни Эмсли ва унинг қайлиғи Клэрнинг тўйи 17 август куни бўлиб ўтган. Тўй мамлакатнинг шимолий қисмида жойлашган Уэтерби шаҳридан узоқ бўлмаган меҳмонхонада бўлган. Тантанада келин-куёвнинг 80 нафарга яқин қариндош-уруғлари, дўстлари иштирок этган.
Соат 23:30 да Дэнни келин-куёв учун ажратилган номерга кўтарилган Клэр эса базмни давом эттирган. У бир соатдан кейин куёвдан хабар олиш учун номерга келганда куёв ҳали тирик бўлган. Соат 01:30 да базм тугагандан кейин хонага кирган келин Дэннининг оламдан ўтганини билган.
Етиб келган тез ёрдам ходимлари ҳам куёвни қутқариб қололмаган. Полиция жасадда қасддан ўлдириш аломатлари йўқлигини аниқлаган. Куёвнинг дўстлари эса Дэнни ҳеч қачон соғлигидан шикоят қилмаганлигини маълум қилган. Бир кунда бевага айланган келин эса ўзининг Facebook саҳифасида турмуш ўртоғисиз ҳаётини тасаввур қила олмаётгани ҳақида изоҳ қолдирган.
