Австралиянинг Перт шаҳрида яшовчи таксичи 25 минг Австралия доллари қийматига эга узукни эгасига қайтарди, деб хабар берди lenta.ru нашри.
Таксини Австралияга ўқиш учун келган, ҳиндистонлик талаба Сингх Диллон (Singh Dhillon) бошқарган. Сингх дарсдан бўш вақтларида таксичилик билан шуғулланган. У шошилинчда узугини машинада қолдирган Томас Карлтонни (Thomas Carlton) манзилига элтиб қўйган.
Карлтон узуги йўқолганлигини дарров сезмаган. Сезганда эса қидириб топа олмаган. Шундан кейин у таксопаркка қўнғироқ қилган. Диспетчер барча ҳайдовчиларни воқеадан хабардор қилган.
Буни эшитган Сингх автомобилини текшириб кўрган ва ҳақиқатан ҳам узук машинага тушиб қолганлигини аниқлаган. Сингх йўқолган узукни эгасига қайтарган. Унинг норозилигига қарамай узук эгаси 50 доллар суюнчи берган.
