Россиянинг Липецк вилоятида иккита енгил автомобилнинг тўқнашиб кетиши натижасида беш киши ҳалок бўлди, бир киши эса оғир жароҳатланди. Бу ҳақда "РИА Новости" хабар бермоқда.
Россия ФВВ маълумотига кўра, ЙТҲ 6 сентябрь куни Дубровский тумани Богородск аҳоли пунктига яқин "Липецк—Чаплигин" автомобиль йўлида содир бўлган.
Липецк томонга ҳаракатланаётган Toyota RAV4 ва қарама-қарши томонга келаётган ВАЗ-2103 билан тўқнашиб кетган. Оқибатда ВАЗ-2103 ҳайдовчиси ва тўрт нафар йўловчи ҳалок бўлган, Toyota ҳайдовчиси касалхонага ётқизилган.
Россия ИИВ вакили Маслаковнинг таъкидлашича, ҳалок бўлганларнинг барчаси — ўзбекистонликлар. Улар Добровский туманида қонуний яшаган ва барча керакли ҳужжатлари бўлган.
ЙТҲ сабаблари аниқлаштирилмоқда.
