Бангладешда айни кунларда минглаб талабаларнинг оммавий норозилик намойишлари бўлиб ўтмоқда, деб хабар бермоқда ТАСС нашри.
Воқеа туфайли пойтахт Дакканинг айрим кўчаларида транспорт қатнови тўхтаб қолди.
Талабалар ва ўқувчилар автобус ҳайдовчисининг айби сабабли икки ўсмир ҳалок бўлгани учун норозилик намойишларига чиқишган. Намойишчилар йўл ҳаракати хавфсизлигини таъминлашни талаб қилишмоқда. Акция қатнашчилари ижтимоий тармоқлар орқали намойиш ўтказишга келишиб олишган.
Телекоммуникацияларни тартибга солиш бўйича махсус комиссия ҳукумат буйруғи билан 3G ва 4G мобиль интернет тезлигини 24 соат муддатга секинлаштириб қўйди. Ҳозирда пойтахнинг бир неча йирик кўчаларида транспорт ҳаракатланишининг имкони йўқ. Уларга қарши полиция кўздан ёш оқизувчи газ ва резина ўқлардан фойдаланишга мажбур бўлмоқда. Натижада эса юздан ортиқ киши жароҳатланган.
