Грециялик Танасис Вулисмас (Thanasis Voulismas) биринчи шахс номидан ёнғинни суратга олди, дея хабар бермоқда Lenta.ru нашри.
Танасис ушбу роликни “Парвона учун аланга” деб номлади.
Кадрлардан кўриш мумкинки, олов бинога яқинлашган, сўнг хонадонга “ҳужум” қилган. Вулисмас ортга чекинади, шовқин, қий-чув овози эшитилади, сўнг телефон ерга тушиб, кадр тўхтайди.
Кўпчилик ролик муаллифининг эсон-омон эканлигидан ҳавотирланган. Интернет фойдаланувчилари унинг тирик эканлигини тахмин қилишган. Бинобарин, Танасис суратга олган ролик интернетга юкланган-ку.
