Россиянинг Красноярск ўлкасида йўловчи ташувчи Ми-8 вертолёти ҳалокатга учради, деб хабар берди Lenta.ru нашри.
Вертолёт Туруханов туманидаги Игарка аҳоли пунктидан икки километр узоқликка қулаган. Унинг бортида 18 нафар йўловчи, шу жумладан 3 нафар экипаж аъзоси бўлган. Йўловчилар ва экипаж аъзоларининг ҳаммаси ҳалок бўлган.
Манбанинг хабар беришича, вертолёт Utair авиакомпаниясига тегишли бўлиб, унинг бортида “Ванкорнефть” компанияси ходимлари бўлган. Ерга қулаган вертолёт парчаланиб, ёниб кетган.
