Лос-Анжелесдаги Гранада Хиллсда жойлашган уйлардан бирига айиқ кириб, ҳовлидаги ҳовузда чўмилди, дея хабар бермоқда Euronews нашри.
Бу айиқ ҳовлига киришни бир неча кундан бери мўлжаллаб юрган эди.
Ниҳоят, ҳовли ичига кирган айиқ ҳовузда бир неча соат сузиб юрди. Хонадон соҳиблари тегишли идора ходимларини чақиргач, улар 113 килограммли айиқ транквилизатор ёрдамида ухлатиб, посёлка ташқарисига олиб чиқиб, жониворни қўйиб юборишди.
