Халқ депутатлари Учтепа туман кенгаши депутати, ЎзЛиДеП депутатлик гуруҳи раҳбари ўринбосари Нуриддин Зайнитдинов “Тонировка” масаласидаги қарор юзасидан facebook‘даги саҳифасида ўз фикрини билдирди:
"Бу Ҳукуматнинг қарори бўлди, халқнинг эмас! Халқнинг фикри умуман инобатга олинмаган.
Бу Ҳукуматнинг қароридаги нархлар халқбоп қилиб камайтирилиб, ўзгартирилмас экан, ижтимоий адолат ва тенглик мезони бузилади.
Биз капиталистик давлатда эмас, ижтимоий адолат ва тенглик ҳукмрон Ўзбекистонда яшаётганимизни, шу нархларни таклиф қилиб, қўл қўйишга киритган маъсуллар унутиб кўйган кўринади.
Аҳолининг 10% роҳатда, 90% жазирамада юриши Амир Темур давридан бери бўлган хеч қайси адолат мезонига тўғри келмаса керак.
Бу Ҳукуматнинг қарори юзасидан Ўзбекистон Республикаси Олий Мажлиси Ҳукуматга тегишли парламент сўровини юбориши мақсадга мувофиқ бўларди".
