АҚШнинг Шимолий Дакота штатида торнадо рўй берди, деб хабар берди РЕН ТВ.
Кузатилган табиат ҳодисаси вайронагарчилик ва қурбонлар келтириб чиқарди.
Торнадо қўшма штатларнинг ғарбий қисмлари бўйлаб ҳаракатланмоқда. Дакотада юз берган торнадо эса кўчма уйлар ҳамда биноларни вайрон қилган. Ўнлаб автомобиллар ҳам жиддий зарар кўрди.
Маълумотларга қараганда, ҳодиса оқибатида 28 киши тан жароҳати олган ҳамда 7 кунлик гўдак нобуд бўлган. Шунингдек, электр тармоғида ҳам узилишлар келиб чиққан. Соатига 127 км тезликда эсган шамол йўлида учраган барча нарсаларни учириб юборган. Бўрон ўнлаб инфратузилмаларни ишдан чиқарган. Прогнозларга кўра, эндиликда торнадо ғарбдан шимол томонга ҳаракатланмоқда.
