Кўпчилик Рамазон ҳайити ҳақидаги Президент қарорини нотўғри талқин қилиб, барча ўзбекистонликларга 3 кунлик дам олиш куни эълон қилинди дейишмоқда, деб ёзади ҳуқуқшунос, блогер Хушнудбек Худойбердиев.
Блогер ўз Телеграм канали орқали маълум қилишича, ҳафтасига 5 кун ишлайдиган, яъни расман шанба дам олиш куни бўлганлар 3 кун дам олади. Расман шанба иш куни бўлганлар эса, 15 июнь — жума куни дам олиб, 16 июнь — шанба куни ишга чиқишлари лозим.
Қарорда 15-17 июнь «Байрам сифатида кенг нишонлансин» дейилган. Бу «дам олиш куни деб эълон қилинсин» дегани эмас, деб таъкидлаган блогер.
