Францияда машҳур «Такси» фильмининг 20 йиллик юбилейи нишонланди.
Ушбу фильм илк бор 1998 йилнинг апрелида катта экранга чиққан бўлиб, куни кеча фильм режиссёри Люк Бессон юбилей муносабати билан янги — «Такси-5»ни омма эътиборига ҳавола этди.
Бессон илк фильм учун сценарийни 30 кунда ёзиб тугатган. Ўзи «Бешинчи элемент» фильми билан банд бўлгани сабабли янги фильмни суратга олишда шахсан қатнаша олмаган. У фильм учун актёрларни танлаб, суратга олишни Жерар Пиресга топширган. Аммо суратга олиш жараёни бошланишидан саккиз кун аввал Пирес отдан йиқилиб, жароҳат олгани сабабли Жерар Кравчикни ўзига ўринбосар этиб тайинлайди.
Фильм учун сценарий 30 кунда ёзилган бўлса, уни суратга олиш – 27 кунда тугаган. Картинада бирданига суратга тушган олтита машинанинг ҳар бири муайян вазифани бажарган. Картинада профессионал пойгачилар каскадёрлик қилган.
Фильм катта шуҳрат қозонгач, Люк Бессон унинг давоми — «Такси-2», «Такси-3», «Такси-4» ва ниҳоят «Такси-5» филмларини суратга олди. Айни дамда картинанинг бешинчи қисмини Францияда 1,2 миллион киши томоша қилишга улгурди.
Бу кинони кўпчилигимиз кўрганмиз. Ана шундай машҳур фильмнинг брендига айланган мусиқага ҳеч эътибор қилганмисиз?
У машҳур ўзбек хонандаси қўшиғига басталанган куйдан ўғирланганми? Наҳотки, дунёга машҳур кинофилъмлар муаллифлари ҳам “кўчирмакаш” бўлса?
