Жанубий Кореянинг янги сайланган президенти Мун Чже Ин ва Шимолий Корея раҳбари Ким Жонг Иннинг шу йил 27 апрель куни учрашиши кутиляпти. Бу тарихий учрашувнинг 68 йиллик урушга барҳам беришидан умид катта.
Шимолий Корея президенти Ким Жонг Иннинг Дональд Трамп билан ҳам жорий йил май ойида учрашиши кун тартибидаги муҳим масалалардан. Бироқ Дональд Трампнинг айтишича, Шимолий ва Жанубий Корея ўртасидаги урушни тўхтатиш учун АҚШнинг рухсатига зарурият йўқ.
Жанубий Корея шимолдаги қўшниси билан ўнлаб йиллардан бери давом этиб келаётган урушни тўхтатиш бўйича бош қотираётган бир пайтда, АҚШлик мулозимлар Шимолий Корея президенти билан олий даражада учрашув ташкил этилганини маълум қилишди.
АҚШ ташқи ишлар вазирлигига номзод ва CIA директори Майк Помпео АҚШ президенти Дональд Трамп билан Шимолий Корея президентининг олий даражадаги учрашуви ҳақида музокара ўтказиш учун март ойи охирида Пхенянга борганини ва Ким билан махфий равишда учрашганини куни кеча матбуот орқали маълум қилди.
Майк Помпео Шимолий Корея билан нима ҳақда суҳбатлашгани тахмин қилса бўлади. Агар ТрампКим Жонг Ин билан учрашишнинг уддасидан чиқса, уАҚШ президенти сифатида илк марта Шимолий Корея раҳбари билан музокаралар столига ўтирган шахс ўлароқ тарихда қолади. Бунинг учун, албатта, Майк Помпеонинг дипломатик маҳорати катта рол ўйнайди.
Трамп – Ким Жонг Ин учрашуви қандай натижа беради?
Помпеонинг ташрифи ҳақида маълумот берган АҚШлик расмий вакилнинг айтишича, Помпеонинг учрашуви АҚШ ва Шимолий Корея ўртасида самарали музокаралар олиб бориш учун умид учқунларини уйғотмоқда.
Айни пайтда Шимолий ва Жанубий Корея давлатларида 27 апрель куни ўтказиладиган олий даражадаги учрашувларга пухта тайёргарлик кўриляпти. Бу зирва 1950–1953 йилларда бошланган Корея урушини расман тўхтатиш учун имконият туғдиради.
Жанубий Корея мулозимларидан бири “Шимолий–Жанубий Корея зирваси” ҳақида журналистларга берган интервьюсида: “Корея ярим оролида сулҳга эришиш учун
10 кундан камроқ вақт қолди. Лекин бу ишни фақат Шимолий Колеянинг ўзи билан ҳал этиш мушкул. Бу борада бошқа давлатлар билан ҳам маслаҳатлашувлар ўтказиш лозим”, деди.
АҚШ президенти куни кеча Шимолий ва Жанубий Корея ўртасидаги урушга барҳам бериш бўйича олиб борилаётган ишларни қўллаб-қувватлашини айтиб ўтган.“Одамлар ҳали Шимолий ва Жанубий Корея давлатлари ўртасидаги уруш тугамаганидан хабари йўқ”, дея илова қилган Дональд Трамп.
Трамп Шимолий Корея билан АҚШ ўртасида дипломатик муносабатлар бошланди. Бу муносабатлар қайси томонга бурилишини вақт кўрсатади.
“Трамп – Ким” учрашуви аввал март ойида, кейинроқ эса май ойи охири ёки июнь ойи бошига кўчирилигани, бироқ бу учрашув ўтказилмаслиги ҳам мумкин. Агар учрашув ўтказилмаса, АҚШ ва унга иттифоқдош давлатлар Пхенянга санкциялар қўллашда давом этади”, дейилади АҚШ Президенти баёнотида.
Хуллас, бугун дунё кўздаги бир томчи ёшдек қалқиб турибди. Давлатлар ўртасидаги вазиятлар баъзан таранглашса, баъзан юмшайди. Нима бўлганда ҳам, бугунги кибердунёда ақл билан иш кўрган маъқул. Акс ҳолда кўзда қалқиб турган ёш ҳалқаланса, ҳеч кимга осон бўлмайди.
