Ўзбекистон Футбол Ассоциацияси мухлисларга қулай бўлиши учун, Рамазон ойида Суперлига ўйинларининг бошланиш вақтини ўзгартиришни режалаштирмоқда. Бу ҳақда Tribuna.uz хабар тарқатди.
ПФЛ сайти хабарига кўра, ташкилот мутахассислари бу борада иш олиб боришяпти.
Маълумки, бу йил Рамазон май ойининг ўртасида бошланади. Кунлар жуда иссиқ келишини, натижада, рўзадор футбол мухлисларига оғир бўлишини инобатга олиб, Суперлига ўйинларининг бошланиш вақти кечроққа сурилиши мумкин.
