Андижонда Наврўзга 2 тонналик палов тайёрланди (фото)

Вилоят ҳокимлиги ҳамда Ошпазлар ассоциацияси вилоят бўлими ташаббуси билан “Боғи Бобур”да 2 тонналик палов тайёрланди, деб ёзади "Андижоннома" газетаси.

Бош ошпаз, Андижон шаҳридаги “Нодира” ресторани таомпази Хуршидбек Ҳасанов шундай дейди: "Тайёргарликни уч кун аввал бошладик. 400 кг қўй гўшти, 150 кг ёғ, 50 кг, думба ёғи, 400 кг сабзи, пиёзу зираворлар... паловга кетадиган масаллиқлар тайёр қилинди. Фақат ўрик дарахтининг ўтини ёқилади. Эрта тонгдан қозонга ёғ қуйилди. 12 нафар ошпаз дошқозон атрофида парвона бўлди".