Us компанияси ўзининг мамлакат ҳудудида жойлашган 700 та савдо дўконларининг барчасини ёпишини маълум қилди.
Шунингдек, компания ўзининг Осиё ва Канададаги бўлимларини қайта шакллантиришни ва акцияларини сотиб юборишни режалиштирмоқда. Яқин кунларда Буюк Британия, Испания, Германия, Франция ва Полшадаги дўконлар фаолияти ҳам тўҳтатилади. Бутун дунё бўйлаб Toys «R» Us компаниясининг 1600 га яқин дўконларида жами 65 000 нафар ишчи хизмат қилади.
Компания ўз фаолиятини тўхтатиши муносабати билан 30 000 га яқин инсон ишсиз қолади. 70 йиллик тарихга эга компания Amazon ва Walmart каби Интернет дўконлари билан рақобат қилолмагани ҳамда болалар орасида оддий ўйинчоқларга қараганда турли-туман электрон гажетлар ва компютер ўйинларининг оммалашиб кетгани туфайли ўтган йилдан эътиборан жиддий иқтисодий муаммоларга дуч келганди.
Шу муносабат билан қарзи 5 млрд. долларга бориб етган компания ўтган йили ўзининг инқирозга учраганини эълон қилганди.
