Абдулазиз Комилов Буюк Британия элчиси билан суҳбатлашди

26 январь куни Ўзбекистон ташқи ишлар вазири Абдулазиз Комилов Буюк Британия ва Шимолий Ирландия Бирлашган Қироллиги элчиси Кристофер Алланни қабул қилди. Бу ҳақда ТИВ хабар бермоқда.

Суҳбат давомида Ўзбекистон – Буюк Британия кун тартибидаги айрим масалалар, илгари эришилган келишувларни тадбиқ этишнинг амалий жиҳатлари, шунингдек, ташқи сиёсат идоралари раҳбарлари даражасидаги бўлажак учрашувлар кўриб чиқилди.