Forbes нашри томонидан АҚШнинг 400 нафар энг бой одамлари рўйхати эълон қилинди.
Рейтингга 24-маротаба Microsoft асосчиси Билл Гейтс 89 миллиард доллар билан бошчилик қилди. Шундай қилиб, бир йилда у саккиз миллиардга бойиди.
Иккинчи ўринни Amazon асосчиси Жеф Безос эгаллади. Унинг бойлиги 81,5 миллиард долларга баҳоланди. Учинчи поғонадан Berkshire Hathaway инвестори Уоррен Баффет 78 миллиард билан жой олди.
Таъкидлаш жоизки, рейтингда энг кўп йўқотиш АҚШ Президенти Дональд Трампники бўлди. Унинг бойлиги бир йилда 600 миллион долларга - 3,1 миллиардгача камайди. Оқибатда Американинг етакчиси Forbes рейтингида 156-ўриндан 248-га тушди.
Маълум бўлишича, бу йўқотиш Нью-йоркнинг кўчмас мулк бозоридаги кучли рақобат ҳамда президент кампаниясига қилинган катта ҳаражатлар билан боғлиқ.
