Португалия терма жамоаси ва Мадриднинг “Реал” клуби етакчи ўйинчиси Криштиану Роналду Европанинг бой машҳурлари рўйхатида иккинчи поғонадан жой олди. У ўзининг даромадлари бўйича фақат инглиз ёзувчиси Жоан Роулингга ён босди.
Роулингнинг даромадлари бу йил солиқларни олиб ташламаган ҳолда 80,8 млн еврога тенг бўлди, деб ёзади Forbes. Роналду умумий рейтингда 79 млн евро даромад билан иккинчи бўлди.
Португалиянинг футбол юлдузидан ташқари Топ-10 рейтингга яна икки спортчи кирди: швейцариялик теннисчи Рожер Федерер (5-ўрин, 54,4 млн евро) ва британиялик гольфчи Рори Макилрой (9-ўрин, 42,5 млн).
