-Ўғлимга боқувчисини йўқотганлик учун нафақасини олиб келаман. У яқинда ўн саккизга тўлади. Аммо ҳали ўқувчи, коллежда таҳсил олаяпти. Айтингчи, боқувчисини йўқотганлик нафақаси коллежни тугатгунча бериладими?
Шохсанам, Оққўрғон тумани
-Ўзбекистон Республикаси Вазирлар Маҳкамасининг 2011 йил 7 апрелдаги 107-сон қарори билан тасдиқланган Пенсия тайинлаш учун зарур бўлган иш стажига эга бўлмаган қарияларга ва меҳнатга лаёқатсиз фуқароларга нафақалар тайинлаш ва тўлаш тартиби тўғрисида Низомнинг 14-бандига асосан “Фуқароларнинг давлат пенсия таъминоти тўғрисида”ги Ўзбекистон Республикаси Қонуни бўйича давлат пенсияси олиш ҳуқуқига эга бўлмаган шахснинг қарамоғида бўлган оиланинг меҳнатга лаёқатли бўлмаган аъзолари боқувчисини йўқотганлик нафақаси олиш ҳуқуқига эгадирлар.“Фуқароларнинг давлат пенсия таъминоти тўғрисида”ги Ўзбекистон Республикаси Қонунининг 19-моддасида айтиб ўтилган шахслар оиланинг меҳнатга лаёқатсиз аъзолари жумласига киритиладилар. “Фуқароларнинг давлат пенсия таъминоти тўғрисида”ги Ўзбекистон Республикаси Қонунининг 19-моддаси 4-қисмига асосан ўқувчилар 18 ёшга тўлгунга қадар оиланинг меҳнатга лаёқатсиз аъзолари жумласига киритиладилар.
Манба: «Sug'diyona» газетаси
