Ўзбекистон Республикаси Президенти Шавкат Мирзиёев Мексика Қўшма Штатлари Президенти Энрике Пенья Ньетога нома юборди.
Унда Мексиканинг жанубида содир бўлган вайронкор ер силкиниши оқибатида кўплаб инсонларнинг ҳалок бўлгани ва жабрлангани муносабати билан ҳамдардлик билдирилган.
Интерфакснинг хабар беришича, Мексика сохилларида ўтган ҳафтада содир бўлган зилзила оқибатида 96 киши ҳалок бўлган. Яна 200 киши жабрланган. Зилзила магнитудаси 8,4 баллни ташкил қилди. АҚШ Геология хизматининг маълум қилишича, зилзила ортидан бир нечта афтершоклар юз бериб, уларнинг магнитудаси 4,5 дан 5,7 гача бўлган.
