Жаҳон бокс федерацияси (WBF) талқинининг ярим енгил вазн тоифасидаги жаҳон чемпиони, 26 ёшли Анжелик Дюшман вафот этди, деб хабар берди Tvzvezda.ru нашри.
Франциялик спортчи қиз 28 август куни машғулот пайтида ўзини ёмон ҳис қилган, у зудлик билан касалхонага олиб борилганлигига қарамай, шифокорлар спортчи қизнинг ҳаётини сақлаб қололмади.
Дастлабки тахминларга кўра, жаҳон чемпионининг ўлимига ўпка артериясининг эмболияси сабаб бўлган. Дюшман 2017 йилнинг май ойида вакант унвонига эга бўлиб, октябрь ойида илк ҳимоясини амалга ошириши лозим эди. Қизнинг отаси ҳам профессионал боксчи бўлиб, бундан 4 йил илгари юрак хуружидан вафот этган эди.
