“Харви” тўфони туфайли АҚШнинг Техас штатида сув тошқини рўй бериб, 30 киши ҳалок бўлди, 5 минг киши эвакуация қилинди, деб хабар берди Tvzvezda.ru нашри.
Штатда бир неча кундан бери тўфон қутурмоқда. Маълумотларга кўра, қидирув-қутқарув тадбирларидан кейин қурбон бўлганлар сони ошиши мумкин.
“Харви” тўфонидан кейин ёғингарчилик кучайди. Штатнинг асосий шаҳри ҳисобланган Хьюстон сувга ғарқ бўлди. Associated Press агентлиги берган хабарга кўра, ҳукумат томонидан аҳоли ўз вақтида эвакуация қилингани ўрганилмоқда. Чунки бор-йўғи 5 минг киши эвакуация қилинган.
