Жанубий Корея суди Samsung компаниясининг вице-президенти ва раҳбари бўлган Ли Чжэ Ённи 5 йилга озодликдан маҳрум этишга ҳукм қилди, деб хабар қилди Tjournal.ru нашри.
Жанубий Корея суди Samsung корпорациясининг раҳбари Ли Чжэ Ённи кўп миллионли пора бериб, сотиб олишда айблади.
Хабар қилинишича, Ли Чжэ Ён мамлакат собиқ президенти Пак Кин Хенинг дугонасига пора берганини тан олган. Бу унинг ёрдамидан фойдаланиш мақсадида амалга оширилган.
Тергов тахминига кўра, собиқ президентнинг дугонаси Чхве Сун Силь Ли Чже Ёндан 38 миллион доллар миқдорида пора олган. Бу эса унга корпорация ичидаги мавқеини мустаҳкамлашга имкон берган.
Жазо ҳукми август охирида чиқарилиши керак. Ли Чже Ен 2017 йилнинг февраль ойидан бери турмада сақланмоқда. Судда у "Мен ҳеч қачон бировдан, жумладан президентдан компания ёки ўзим учун бирор наф сўрамаганман", деб айтган.
