Бугун Абдулла Арипов бошчилигидаги делегация Қирғизистон Республикасига етиб борди. Уларни "Манас" аэропортида Қирғизистон Республикаси Бош вазирининг биринчи ўринбосари Муҳаммадкалий Абулгазиев ва Ташқи ишлар вазири Эрлан Абдилдаев кутиб олдилар, дея хабар қилди Uzbekistan24.
Хабар қилинишича, бугун "Ала-Арча" давлат резиденциясида Қирғизистон Республикаси Президенти Алмазбек Атамбоев Бош вазиримиз Абдулла Ариповни қабул қилади. Кейин эса Арипов қирғизистонлик ҳамкасби Сооренбай Жээнбеков билан учрашади.
Эслатиб ўтамиз, Ўзбекистон делегацияси Бишкек шаҳрида бўлиб ўтадиган Икки томонлама ҳамкорлик ва Давлат чегарасини делимитация ва демаркация қилиш бўйича Ўзбекистон-Қирғизистон ҳукуматлараро комиссиялари мажлисларида иштирок этади.
