Туриннинг «Ювентус» клуби «Фиорентина»нинг ҳужумкор яримҳимоячиси Федерико Бернардески трансферини эълон қилди. Бу ҳақда клуби расмий сайти хабар маълум қилмоқда.
Туринликлар расмий манбаси футболчи трансфери 40 млн еврони ташкил қилганини ҳам очиқлаган. Шунингдек, «Фиорентина» футболчининг 10 фоиз трансфер ҳуқуқига ҳам эгалик қилади. Агар туринликлар уни сотса айнан 10 фоизини флоренцияликларга тўлаб бериши мумкин бўлади. Лекин бу сумма 5 млн. евродан ошмаслиги зарур.
Бернардески «Ювентус» билан 2022 йилгача мўлжалланган шартнома имзолади. Ўтган мавсумда 23 ёшли Бернардески А Сериянинг 32 урашувида 11 гол киритган ва 4та голли узатмани амалга оширган.
