Покистонда маҳаллий телеканаллардан бирида бошловчи бўлиб ишловчи қиз жонли эфирда ҳушидан кетди, деб хабар келди Tengrinews.kz нашри.
Қиз диний тадбирлардан бирида репортаж олиб борган. Видеодан журналист қизнинг бўлиб ўтаётган воқеаларни фаоллик билан изоҳлаётганини, бироздан кейин овози ўзгариб, қалтираганини, кейин эса пультдан пастга қулаганини кўриш мумкин. Уни ўраб олган одамлар қўлларидан келганча ёрдам беришга ҳаракат қилди.
Аксарият нашрлар қизнинг вафот этганини хабар қилди. Аммо кейинчалик исми-шарифи Irza Khan бўлган мухбир қиз жонли эфирда ҳушидан кетгани аниқланди. Телебошловчи қиз ўзининг ижтимоий тармоқлардаги саҳифасида соғлиги жойидалигини маълум қилди.
