АҚШнинг Коннектикут штати полицияси америкалик , 50 Cent цент тахаллуси билан ижод қилувчи машҳур рэппер Жеймс Жексоннинг уйига ўғриликка тушган жиноятчини қўлга олди, деб хабар берди Ntv.ru нашри.
Фармингтон шаҳар (Коннектикут штати) шаҳар полицияси мусиқачининг уйига ўғриликка тушган жиноятчини ашёвий далил билан қўлга олди. Муқаддам бир неча маротаба судланган жиноятчи қамоққа олиниб, ўғрилик бўйича айблов қўйилди.
Мусиқачининг уйидаги қўриқчи уйга ўғри тушганини кўриб, унга қаршилик кўрсатмай, полицияга қўнғироқ қилди. Ўғрилик юз берганда рэппер шаҳарда бўлмаган. Рэпер 50 Cent мазкур ҳашаматли уйни 2003 йилда профессионел боксчи Майк Тайсондан 4 миллион долларга сотиб олган эди. Ҳозирда у уйни сотувга қўйган.
Коннектикут штати суди февраль ойида рэперни инқирозга учраганлик ҳақидаги ишини тўхтатган эди. Мусиқачи 2015 йилнинг июль ойида ўзини инқирозга учраганлигини, унинг маблағи 20 миллион долларлигини, қарзлари эса 36 миллиондан ошиб кетганлигини маълум қилганди. Воқеадан икки ой илгари Forbes журнали рэпернинг бойлигини 155 миллион доллар деб эълон қилиб, энг бой ижрочилар рўйхатининг тўртинчи ўрнидан жой берган эди. Аксарият ОАВлар рэпер 5 миллион доллар тўламаслик мақсадида ўзини инқирозга учраган, деб эълон қилган, дея тахмин қилмоқда. Рэпер бировнинг шахсий ҳаётига оид видеони Интернетга жойлаштиргани учун суд 5 миллион доллар товон пули тўлаш учун ҳукм чиқарган эди.
