Колумбиялик аёл собиқ эри билан бўлишмаслик учун 90 та юз долларлик купюрани еб қўйди, деб хабар берди lenta.ru нашри.
28 ёшли аёл турмуш ўртоғи билан яшаган даврида биргаликда тўплаган тўққиз минг долларни еб қўйди. Оқибатда бундай “мазали тушлик”дан мазаси қочиб, тиббиёт ходимларига мурожаат қилишга мажбур бўлди. Аёл 5,7 минг доллар яроқли бўлиб, қолгани эса “ишдан чиқишга” улгурганини билдирди. Прокуратура аёлга нисбатан ҳеч қандай эътирози йўқлигини, мазкур маблағни собиқ жуфтлик қонуний йўл билан тўплаганини маълум қилди.
