Шимолий Осетияда яшовчи Сакинат Магомедова ҳайдовчилик гувоҳномасини олиш учун курашмоқда.
У қўлсиз туғилган, аммо бу унинг тўлақонли ҳаёт олиб боришига ҳалал бермайди. Аёл бемалол уй ишларининг уддасидан чиқади, спорт билан шуғулланади ва ҳатто суратлар чизади. Ўтган йили Сакинат ҳайдовчилик курсларини тугатди. Аммо гувоҳнома ололмаяпти. Шифокорлар маълумотнома беришдан бош тортишмоқда.
Сакинат қўлсиз автомобиль бошқаришни ўрганиб олди, аммо Россия қонунлари унга ҳайдовчилик гувоҳномасини олиш имконини йўққа чиқармоқда.
