Бугун, 2 май куни пойтахтда ташкил этилган Халқаро пресс клубнинг “Ички ишлар тизимидаги ислоҳотлар: халқ билан мулоқот” мавзуидаги навбатдаги сессияси бўлиб ўтмоқда.
Президент Шавкат Мирзиёев томонидан белгиланган Ҳаракатлар стратегиясида 2017-2021 йилларга мўлжалланган муҳим ислоҳотлар ва ички ишлар органлари фаолиятини такомиллаштириш бўйича вазифалар ижросини таъминлашга оид масалалар баҳс мунозаралар марказида бўлди.
Сессияда Ўзбекистон Ички ишлар вазири генерал-майор Абдусалом Абдумавлянович Азизов, ИИВ ЙҲХББ бошлиғи, полковник Холматжон Аҳмедович Саидалиев, ИИВ Тошкент шаҳар ҲООББ бошлиғи, подполковник Дилшод Бахтиярович Акрамов ва вазирликнинг қатор бошқарма ва бўлимлари раҳбарлари иштирок этди. Шунингдек, Инсон ҳуқулари миллий маркази, “Маҳалла” ҳайрия жамоат фонди, “Камолот” ёшлар ижтимоий ҳаракати Марказий Кенгаши, Ўзбекистон Республикаси Бош прокуратураси, қатор нодавлат-нотижорат ташкилотлар ҳамда маҳаллий ва хорижий ОАВ вакиллари иштирок этди.
