​Қирғизистонда 24 киши кўчки тагида қолди

Қирғизистоннинг Ўш вилоятидаги Ўзган туманида содир бўлган кўчки аҳоли яшовчи уйларни босиб қолди, деб хабар берди Ria.ru нашри.

Дастлабки маълумотларга кўра, 24 киши кўчки тагида қолган. Миллион кубометрни ташкил этувчи кучли кўчки 29 апрель куни тонгги соат 07:20 да Аю қишлоғига ёпирилди. 24 киши яшовчи ўнта уйни батамом лойқа қоплаб олди. Воқеа жойида қутқарувчилар ишламоқда.