Ўзбекистон футбол Федерацияси шу йилнинг 29 март куни Осиё футбол конфедерацияси (ОФК) аёллар кунига бағишланган анъанавий футбол фестивалини ташкил қилади.
ЎФФ матбуот хизматининг хабар беришича, фестивалда Тошкент шаҳрининг турли гўшаларидан 10 ёшгача бўлган 200 нафардан ортиқ қизлар иштирок этади.
Анъанавий аёллар футболи фестивали Ўзбекистон футбол Федерациясидаги сунъий қопламали майдонида бўлиб ўтади. Мусобақа 9:00 да старт олиши кўзда тутилган.
