Хонандалар Райҳон ва Муниса Ризаевалар биргаликда куйлаган “Бор ёки йўқ” деб номланган қўшиқларига клип суратга олдирмоқда.
Видеоклип суратга олиш ишлари 26 март куни бошланди. Клипни Нозим Жумаев суратга олмоқда. Либослар Лидия Андрега тегишли. Видео кетма-кетликда яқин дугоналар Райҳон ва Мунисанинг бир хил яъни тилларанг либос кийганини кўриш мумкин.
“Бор ёки йўқ” клипи қачон мухлислар эътиборига ҳавола этилиши ҳозирча номаълум.
Маълумот учун, Райҳон ва Муниса ижросидаги мазкур дуэт Райҳоннинг концертида мухлислар томонидан илиқ кутиб олинган ва омадли дуэтлардан бири, дея эътироф этилган эди.
