“Атлетико” ўз дарвозабони билан шартномасини узайтирди

“Атлетико Мадрид” жамоаси клуб дарвозабони Мигель Анхель Мойя билан шартномасини узайтирди. Бу ҳақда AS нашри маълум қилди.

32 ёшли испаниялик футболчининг янги келишув муддати 2018 йилга қадар мўлжалланган. Аввалги битим муддати келаётган ёзда ўз ниҳоясига етарди.

Мигель Анхель Мойя “Атлетико” сафида 2014 йилдан буён тўп суриб келмоқда ва жамоанинг муваффақиятларига ўз ҳиссасини қўшмоқда.