Истанбулда вертолёт ҳалокатга учраб, беш киши қурбон бўлди, деб хабар берди “Ntv.ru” нашри.
Sikorsky S-76 русумли вертолётнинг бортида етти киши – улардан икки нафари учувчилар бўлган. NTV телеканали берган маълумотга кўра, вертолёт Eczacibasi компанияси гуруҳига мансуб бўлиб, йўловчилар орасида компания раҳбари ва унинг чет эллик меҳмонлари, ҳамкорлари бўлган.
Hurriyet нашрининг хабар беришича, ҳалок бўлган 5 нафар йўловчининг 4 нафари россиялик фуқаролардир. Sikorsky S-76 русумли вертолёт Туркиянинг Буюкчекмеже туманидаги шаҳар автомагистралига қулаган. Воқеа жойига тез ёрдам ходимлари ва қутқарувчилар етиб келган.
