Эрон чемпионати 23-турида Ўзбекистон терма жамоаси аъзоси Сервер Жепаров ижара асосида тўп сураётган “Сепаҳон” жамоаси ўз майдонида “Зоб Аҳан” клубини қабул қилди.
Ушбу учрашувда “Сепаҳон” 2:1 ҳисобида ғалаба қозонди. Сервер Жепаров ўйиндаги илк голга муаллифлик қилди. Бу Жепаров учун Эрондаги илк голи бўлди.
Ушбу муваффақиятдан кейин “Сепаҳон” 31 очко билан 8-ўринга чиқиб олди. “Зоб Аҳан” 33 очко билан 4-ўринда қолиб кетди.
