Афсонавий инглиз парҳезига риоя қилиб, 4 хафта ичида 10 килограмдан 20 килограмгача озиш мумкин. Ягона шарти – махсус овқатланиш режимига риоя қилишдир. Бу парҳез Маргерет Тетчер учун маxсус, тажрибали парҳезшунослар томонидан ишлаб чиқилган.
Ушбу парҳезнинг моҳияти шундаки, туxум ва цитрус меваларни истеъмол єилиш баробарида ортиқча ёғлардан безарар халос бўласиз.
Магги парҳезининг 7 қоидаси:
1. Тушлик ва кечки овқат ўринини алмаштирманг.
2. Агар таомнинг аниқ миқдори кўрсатилмаган бўлса, уни истаганингизча ейишингиз мумкин.
3. Туxумни қисман ёки бутунлай творог билан аламаштиришингиз мумкин.
4. Таркибида шакар ўрнини босувчи моддалап солинган ширинликлар таъқиқланмаган.
5. Албатта, кўп мева енг ва тез-тез сув ичинг.
6. Қорнингиз тўйиб кетгунча овқатланманг.
7. Туз миқдорини иложи борича камайтиринг, унинг ўрнига зираворлардан кўпроқ фойдаланинг.
Парҳез вақтида ман қилинган маҳсулотлар:
- ёғли қўй гўшти;
- банан, манго, анжир, узум,хурмо;
- картошка, маккажўxори;
- сут, ёғли пишлоқ;
- ҳайвон ёғлари, ўсимлик ва сариёғ;
- гўштли шўрвалар;
- ёғли соуслар;
- макарон, ёрмалар;
- унли маҳсулотлар(кепакли ундан тайёрланган єуритилган нондан ташқари)
- шакар ва таркибида шакари бор ширинликлар;
- спиртли ичимликлар.
Парҳезни бошлашдан аввал шифокор билан маслаҳатлашишни унутманг! Агар сизда қуйида келтирилган маҳсулотларга аллергия кузатилган, юрак, буйрак ва жигар касалликлари бўлса, ҳамда ҳомиладорликда туxумли Магги парҳези тўғри келмайди. Маргарет хоним озиш мақсадида бир хафтада 28 дона туxум еган эди.
Биринчи ҳафта
Нонушта ҳар куни бир ҳил: 1-2 та қайнатилган туxум, 1 дона грейпфрут ва шакарсиз чой ёки қаҳва.
Биринчи кун
Тушлик – олма, нок ва яримта апельсин
Кечки овқат – 400 гр пиширилган ёғсиз мол гўшти
Иккинчи кун
Тушлик – янчилган қалампир билан пиширилган товуқ гўшти ва лимон шарбати сиқилган сабзавотли салат.
Кечки овқат – 2 та қайнатилган туxум, янги бодрингга ялпиз ёки петрушка солинган салат, яримта грейпфрут ва бир бўлак кепакли ундан тайёрланган нон.
Учинчи кун
Тушлик – ёғсиз пишлоқ, помидор, бодринг ва петрушкадан тайёрланган салат ва кепакли ундан тайёрланган бир бўлак нон.
Кечки овқат – майдаланган кўкат ва хантал қўшиб қайнатилган мол гўшти ҳамда лимон шарбати сепилган карам ва сабзили салат.
Тўртинчи кун
Тушлик – ёғсиз йогурт аралаштирилган мевали салат.
Кечки овқат – кашнич уруғи ва куркума зиравори қўшиб пиширилган товуқ гўшти ва янги помидор, бодринг, сельдерейдан тайёрланган салат.
Бешинчи кун
Тушлик – 2 та қайнатилган туxум, соя соуси қўшилган қайнатилган сабзи ва яшил нўxотдан тайёрланган салат.
Кечки овқат – газ печида пиширилган балиқ гўшти ва пекин карами, грейпфрут, петрушкадан тайёрланган салат.
Олтинчи кун
Тушлик – 1 стакан мевали шарбат
Кечки овқат – қайнатилган мол гўшти, бодринг ва шивитли салат.
Еттинчи кун
Тушлик - қайнатилган товуқ гўшти ва райҳон, помидорли салат.
Кечки овқат - саримсоқ пиёз ва кўкатлар билан газ печида пиширилган булғор қалампири ва кепакли ундан тайёрланган бир бўлак нон.
Иккинчи ҳафта
Нонушта: нонушта яна туxум ва цитрус мевалардан иборат. Хафта давомида нонуштага 1-2 дона қайнатилган туxум, грейпфрут ва шакарсиз чой ёки қаҳва.
Биринчи кун
Тушлик – газ печида янги сабзавотлар билан пиширилган мол гўшти.
Кечки овқат – 2 та қайнатилган туxум ва бир дона апельсин.
Иккинчи кун
Тушлик – булғор қалампири ва сабзи қўшиб пиширилган товуқ гўшти.
Кечки овқат – 2 та қайнатилган туxум ва бир дона апельсин.
Учинчи кун
Тушлик – газ печида пиширилган мол гўшти ва янги карам, бодринг, кўкатлардан тайёрланган салат.
Кечки овқат – 2 та қайнатилган туxум ва бир дона апельсин.
Тўртинчи кун
Тушлик – 2 та қайнатилган туxум, бринза ва кўкатлардан тайёрланган салат ва димланиб пиширилган кабачки ва сабзи.
Кечки овқат – 2 та қайнатилган туxум ва бир дона апельсин.
Бешинчи кун
Тушлик – газ печида лимон ёки шивит билан пиширилган балиқ гўшти.
Кечки овқат – 2 та қайнатилган туxум ва бир дона апельсин.
Олтинчи кун
Тушлик – қайнатилган товуқ гўшти, булғор қалампири, помидор ва кашничдан тайёрланган салат ҳамда бир дона апельсин.
Кечки овқат – бир дона қайнатилган туxум, грейпфрутли ёғсиз ёгуртда аралаштирилган мевали салат.
Еттинчи кун
Тушлик – кўкат, саримсоқ пиёз, кабачки ва помидор қўшиб пиширилган товуқ гўшти, бир дона апельсин.
Кечки овқат – икки дона қайнатилган туxум ва янги бодринг, селдерейдан тайёрланган салат.
Учинчи ҳафта
Нонушта: 1-2 та қайнатилган туxум, 1 дона грейпфрут ва шакарсиз чой ёки қаҳва.
Биринчи кун – фақатгина мева енг. Ёғсиз табиий ёгурт ва оз миқдорда ёғсиз творог қўшилган мевали салатлар тайёрлаб ейишиниз ҳам мумкин.
Иккинчи кун – кўкатлар ва зираворлар билан газ печида ёки димланиб пиширилган сабзавотлар.
Учинчи кун – ман қилинган мева ва сабзавотлардан бошқа барчасини хомлигича ёки пиширилган ҳолда енг.
Тўртинчи кун – кун давомида оз-оздан қовурилган ёки қайнатилган балиқ гўшти ва карам, яшил салат барги, қайнатилган сабзавотлардан тайёрланган салат енг.
Бешинчи кун – қовурилган ёки қайнатилган ёғсиз мол гўшти ёки товуқ гўшти, хом ва қайнатилган сабзавотлар. Ушбу маҳсулотларни 4 та бир ҳил бўлакка бўлиб кун бўйи еб юринг.
Олтинчи ва еттинчи кунлар – энг қийин кунлар яқинлашмоқда: исталган вақтда бир дона таєиєланганларидан ташқари истаган мевангизни енг.
Тўртинчи ҳафта
Қуйидаги маҳсулотларни 5-6 та бир ҳил бўлакка бўлиб, кун давомида қабул қилинг. Қўшимча маҳсулот киритиш тақиқланади. Парҳездан тўғри чиқамиз.
Биринчи кун: 1 дона грепфрут ёки 2 та апельсин, 4 та помидор, 4 та бодринг, бир дона ёғсиз тунец балиғи консерваси ва 300 гр. қайнатилган ёки қовурилган ёғсиз мол гўшти.
Иккинчи кун: 1 дона олма ёки нок, 200 гр. қовун ёки 1 дона апельсин, 1 та грейпфрут, 300 гр. қайнатилган мол ёки товуқ гўшти, 4 та бодринг, 3 та помидор ва кепак унидан тайёрланган бир бўлак нон.
Учинчи кун: ёғсиз пишлоқ ёки тузсиз бринза, 150 гр. ёғсизлантирилган творог, қайнатилган ёки димланган сабзавотлар, 2 та бодринг, 2 та помидор, 2 та апельсин ёки 1 дона грерйфрут ва бир бўлак кепак унидан тайёрланган нон.
Тўртинчи кун: 400 гр қайнатилган товуқ гўшти, 3 та помидор, 3 та бодринг, 1 та апельсин, 1 дона грейпфрут ва кепак унидан тайёрланган бир бўлак нон.
Бешинчи кун: салат барги, қовурилган ёки газ печида пиширилган балиқ гўшти, 3 та помидор, 3 та бодринг, 2 та қайнатилган туxум, 1 та грейпфрут ёки 2 та апельсин.
Олтинчи кун: 400 гр қайнатилган товуқ гўшти, 150 гр ёғсизлантирилган творог ёки бринза, бир бўлак кепак унидан тайёрланган нон, 3 та бодринг, 3 та помидор, 1 стакан кефир, 2 та апельсин ёки грейпфрут.
Еттинчи кун: 150 гр ёғсизлантирилган творог, бир дона тунец балиғи консерваси, димланган сабзавотлар, 3 та бодринг, 3 та помидор, бир бўлак кепак унидан тайёрланган нон, 1 та грейпфрут ёки 2 та апельсин.
