Бугун, 4 апрель куни А-373 автомобиль йўлининг Қамчиқ довонидан ўтган қисмида “Водий — Тошкент” йўналишида ҳаракатланган “Cobalt” русумли автомобиль ҳайдовчиси бошқарувни йўқотиши оқибатида йўлнинг хандақ (кювет) қисмига тушиб кетган. Бу ҳақда Қамчиқ махсус қутқарув бошқармасига хабар келиб тушган.
Воқеа жойига етиб борган Фавқулодда вазиятлар вазирлиги қутқарувчилари махсус техникалар ёрдамида автомобилни хавфсиз ҳудудга олиб чиққан.
Ҳодиса оқибатида тан жароҳати олганлар йўқ.






