Трамп бу ҳақда “Политиcо” нашрига берган интервьюсида гапириб, Кубадаги вазиятни “ҳайратланарли” деб атади ва Яқин Шарқдаги можаро якунлангач, АҚШ бу мамлакатга ҳам эътибор қаратиши мумкинлигини айтди. Шу билан бирга, у қандай аниқ чоралар кўрилиши мумкинлиги ҳақида маълумот бермади.
Баёнот АҚШ ва Исроил томонидан февраль охирида Эронга қарши бошланган ҳарбий операция фонида янгради. Исроил бу операциядан мақсад Эронда ядровий қурол пайдо бўлишининг олдини олиш эканини билдирган. АҚШ эса Теҳронни ҳарбий инфратузилмасига зарба бериш билан таҳдид қилиб, эронликларни ҳокимиятни ўзгартиришга чақирган.
Таҳлилчилар фикрича, Кубанинг эҳтимолий геосиёсий нишон сифатида тилга олиниши Трампнинг аввалги президентлик даврида Гаванага нисбатан юритган қатъий сиёсати давоми сифатида баҳоланмоқда. У ўша пайтда Барак Обама даврида бошланган “илиқлашув” сиёсатини бекор қилиб, Кубага нисбатан босимни кучайтирган эди.
Аввалроқ республикачи сенатор Линдси Грем ҳам “Fox News” телеканалига берган интервьюсида Эрондаги вазият ортидан АҚШнинг навбатдаги эътибори Кубага қаратилиши мумкинлигини айтган.
