АҚШда кучли қор бўрони оқибатида ҳалок бўлганлар сони 73 нафарга етди. CBS News маълумотига кўра, қурбонларнинг 49 нафари тўғридан тўғри об-ҳаво шароити ёки бахтсиз ҳодисалар билан боғлиқ ҳолатларда ҳалок бўлган.
Расмийлар яна 24 кишининг ўлими қайд этилганини маълум қилди. Ўлим сабаблари орасида гипотермия, йўл-транспорт ҳодисалари, қор тозалаш техникаси билан боғлиқ бахтсиз ҳодисалар, чанада учиш вақтидаги фожеалар ҳамда қор тозалаш чоғида содир бўлган тўсатдан юрак хуружлари бор.
Миллий об-ҳаво хизмати қишки бўрон мамлакат ҳудудининг учдан икки қисмига таъсир кўрсатиб, тахминан 200 миллион кишини қамраб олганини билдирди. Шу муносабат билан Нью-Йорк шаҳрида 50 дан ортиқ иситиш бошпаналари очилган, Далласда эса 1 150 га яқин уйсиз фуқаро вақтинча жойлаштирилган.
