Самарқанд вилоятининг Пайариқ туманида аёл туғуруқхона олдида чақалоғини дунёга келтириб, ҳожатхонанинг чиқинди қутисига ташлаб кетди. Бу ҳақида Zamon.uz хабар бермоқда.
Маълумотларга кўра, воқеа вилоятнинг Пайариқ туманида содир бўлган. Аёлнинг қилмиши кузатув камералари орқали аниқланиб, ҳолатга аниқлик киритилган. Чақалоқ эса ўлик ҳолда топилган.
“Zamon.uz ҳолатга ойдинлик киритиш мақсадида Самарқанд вилоят ИИБ ахборот хизмати билан ҳам боғланди. ИИБга кўра, айни пайтда бу бўйича экспертиза тайинланган. Боланинг тирик туғилгани ёки ҳомила нобуд бўлиб кейин туғилганлиги аниқланганидан сўнг жиноят иши масаласи ҳал этилади”,— дейилади хабарда.
