7 январь куни Саудия Арабистонида ўтаётган Осиё кубогида Ўзбекистон олимпия терма жамоаси ўз иштирокини ғалаба билан бошлади. “C” гуруҳининг 1-турида Ливанга қарши майдонга тушган ўзбекистонликлар минимал устунлик билан ғалаба қозонди.
Учрашувнинг биринчи бўлимида Ўзбекистон терма жамоаси ўйинни тўлиқ назорат қилди. 24-дақиқада Амирбек Саидов ҳисобни очди ва жамоасини олдинга олиб чиқди. Иккинчи тайм бошида Хайруллаев (50-дақиқа) ҳамда Баҳромов (57-дақиқа) гол урди ва ҳисоб 3:0 кўринишига келди.
Учрашувнинг сўнгги дақиқаларида ливанликлар фаоллашиб, Фараҳ Шаҳин 65-дақиқада ва қўшиб берилган дақиқаларда гол уриб, ҳисобни 3:2 га етказди. Бироқ бу Ливан жамоаси учун камлик қилди.
Маълумот учун, Ўзбекистон олимпия терма жамоаси “C” гуруҳида Ливан, Эрон ва Жанубий Корея билан бирга ҳаракат қилмоқда. Гуруҳ босқичидаги навбатдаги ўйинлар 10 ва 13 январь кунлари бўлиб ўтади.
