HRANA ҳуқуқни ҳимоя қилиш ташкилоти маълумотига кўра, ҳуқуқ-тартибот органлари томонидан 1200 нафардан зиёд намойиш иштирокчиси қўлга олинган.
Ҳалок бўлганлар орасида 29 нафар намойишчи, тўрт нафар вояга етмаган шахс ҳамда икки нафар хавфсизлик хизмати ходими бор.
Маҳаллий ОАВ хабарларига кўра, сўнгги 24 соат ичида намойишлар фаоллиги пасайган, зўравонлик ҳолатлари қайд этилмаган.
Эслатиб ўтилишича, норозилик акциялари 28 декабрь куни миллий валюта — риалнинг АҚШ долларига нисбатан кескин қадрсизланиши ортидан бошланган.
