Фуқаролардан бири соғлиғи билан боғлиқ муаммолар сабабли, иккинчиси эса молиявий қийинчилик ва ҳужжатларини йўқотгани боис Ўзбекистоннинг Польшадаги элчихонасига мурожаат қилган. Шундан сўнг уларни Ўзбекистонга қайтариш бўйича зарур чоралар кўрилган.
Маълум қилинишича, Наманганлик фуқаро инсулт ташхиси билан Польша тиббиёт муассасасида даволанган ва шифокорлар тавсиясига мувофиқ парвозга рухсат берилгунга қадар зарур тиббий ёрдам олган. Қашқадарёлик фуқаронинг эса қайтиш ҳужжатлари расмийлаштириб берилган.
Фуқаролар Варшава–Рига йўналишида махсус транспортда, Рига–Тошкент йўналишида эса авиарейс орқали Ўзбекистонга қайтарилган. Транзит учун Латвияга кириш рухсатномалари расмийлаштирилган.
