30 декабрдан бошлаб Ўзбекистон бўйлаб барча автомобилларга газ тўлдириш компрессор станциялари 24 соатлик иш режимига ўтади. Бу ҳақда Энергетика вазирлиги матбуот хизмати хабар қилди.
Маълум қилинишича, метан заправкалар соат 09:00 дан иш бошлайди ва сутка давомида хизмат кўрсатади. Янги иш тартиби автотранспорт эгаларига ўзлари учун қулай вақтда, навбатларсиз ёқилғи қуйиш имконини беради.
Эслатиб ўтамиз, аввалроқ аҳоли хонадонлари ва ижтимоий объектларда табиий газ босими пасайишининг олдини олиш мақсадида метан заправкалар фаолияти вақтинча чекланган эди.
