Жорий йилнинг 20 декабрь куни Ички ишлар вазирлиги тезкор-қидирув департаменти ходимлари томонидан Истанбул шаҳрида одам савдоси билан шуғулланиб келаётган уюшган жиноий гуруҳ фаолиятига чек қўйилди. Терговга кўра, 1986 йил Самарқанд вилоятида туғилган аёл 2020 йилдан буён Туркиядаги меҳмонхоналарни фоҳишалик билан шуғулланиш учун қизлар билан таъминлаб келган ва гуруҳ етакчиси бўлган.
Жиноий гуруҳ аъзолари юқори маош ваъдаси билан аёл-қизларни Туркияга олиб бориб, у ерда уларнинг паспортларини тортиб олиб, мажбурий равишда фоҳишаликка ундаган. Шунингдек, 1988 йилда туғилган шахс Самарқандда моддий томондан қийналган аёл-қизларни топиб бериб, ҳар бир юборилган шахс учун 400 АҚШ доллари олгани аниқланган.
Тезкор тадбирлар давомида Тошкент халқаро аэропортида Туркияга жўнатилаётган икки нафар аёл тўхтатиб қолинган. Ҳозирда жиноий гуруҳ аъзоларига нисбатан Жиноят кодексининг 135-моддаси иккинчи қисми билан жиноят иши қўзғатилган.
