Президент матбуот хизмати хабарига кўра, мурожаатнома тўғридан-тўғри эфирда соат 11:00 дан бошлаб намойиш этилади. Уни “Ўзбекистон 24”, “Ўзбекистон” (сурдотаржима билан), “Маҳалла”, “Маданият ва маърифат”, “Менинг юртим”, “Севимли”, “Миллий”, “Зўр ТВ”, “Ренессанс ТВ” каби телеканаллар орқали томоша қилиш мумкин.
Шунингдек, мурожаатнома “Toshkent” ва “Dunyo bo‘ylab” телеканалларида рус тилида, “Yoshlar” ҳамда “Uzreport TV”да инглиз тилида эфирга узатилади. Жонли трансляция Президент матбуот хизматининг Telegram ва Facebook саҳифалари ҳамда YouTube’даги расмий канали орқали ҳам тақдим этилади.






