Ўзини ўзи депортация қилиш учун ариза топшириб, мамлакатни ихтиёрий равишда тарк этган ноқонуний мигрантларга 3000 АҚШ доллари миқдорида маблағ тўланади. Ушбу чора 2025 йил охиригача амал қилади. Бу ҳақда Zamon.uz нашри маълум қилди.
Вазир таъкидлашича, мазкур қарор Рождество ва Янги йил байрамлари арафасида ҳужжатсиз муҳожирларни солиқ тўловчилар маблағи ҳисобидан мамлакатда ушлаб туриш харажатларини камайтириш ҳамда уларнинг ўз хоҳиши билан чиқиб кетишини жадаллаштириш мақсадида жорий этилган. Қайд этилишича, янги рағбатлантириш миқдори аввалги кўрсаткичга нисбатан уч бараварга оширилган.
Аввалроқ АҚШ Ички хавфсизлик департаменти ноқонуний муҳожирларни мамлакат ҳудудини ихтиёрий равишда тарк этишга чақирган эди. Шунингдек, айрим шаҳарларда миграция қоидаларини бузган шахсларга нисбатан назорат чоралари кучайтирилгани ҳақида ҳам хабарлар тарқалган.
Маълумотларга кўра, мазкур ташаббус ноқонуний миграция оқимини камайтириш ва маъмурий харажатларни қисқартиришга қаратилган.
