Ўзбекистон Республикаси Президенти Шавкат Мирзиёев Олий Евроосиё иқтисодий кенгаши йиғилишида нутқ сўзлаб, Евроосиё иқтисодий иттифоқи билан прагматик ва ўзаро манфаатли ҳамкорликни ривожлантириш муҳимлигини таъкидлади.
Давлат раҳбарининг айтишича, кузатувчи давлат мақомидаги сўнгги тўрт йил давомида Ўзбекистоннинг Олий Евроосиё иқтисодий кенгаши мамлакатлари билан савдо айланмаси қарийб икки баробар ошган.
Савдода юқори қўшилган қийматли маҳсулотлар улуши ортиб, саноат кооперацияси кенгаймоқда.
Президент савдо тўсиқларини бартараф этиш, божхона ва техник тартиб-таомилларни уйғунлаштириш, рақамли технологиялар, электрон савдо, инфратузилмавий ва “яшил” лойиҳаларни ҳамкорликнинг устувор йўналишлари сифатида қайд этди.
