12 декабрь куни Россия президенти Владимир Путин ва Туркия президенти Ражаб Тоййиб Эрдўған Ашхободда учрашди. Бу ҳақда РИА “Новости” хабар бермоқда.
Томонлар Туркманистонда ўтаётган “Халқаро тинчлик ва ишонч йили”, Халқаро бетарафлик куни ҳамда мамлакатга доимий бетарафлик мақоми берилганининг 30 йиллигига бағишланган форумда иштирок этиш учун Ашхободда бўлиб турибди. Учрашув тафсилотлари ҳозирча ошкор қилинмаган.
Эслатиб ўтамиз, Путин ва Эрдўғаннинг аввалги юзма-юз учрашуви сентябрь ойида Хитойда, ШҲТ саммити доирасида ўтказилган эди. Ноябрь охирида эса икки давлат раҳбарлари телефон орқали Украина атрофидаги вазият юзасидан фикр алмашган.






